ЖК Сот адилеттиги боюнча кеңештин курамын бекитти. Курамында Балбак Түлөбаев бар

Бүгүн, 18-июнда Жогорку Кеңештин жыйынында депутаттар Юстиция кеңешинин курамын бекитти. Бул тууралуу парламенттин тиешелүү токтому кабыл алынды.

Добуш берүүнүн жыйынтыгында парламентарийлер кеңештин 11 мүчөсүн бекитти. Ал төмөнкүлөрдү камтыйт:

— Жогорку Кеңештин депутаты Балбак Түлөбаев («Ынтымак» парламенттик фракциясынан көрсөтүлгөн);

— Бакыт Кыдыралиева (Кыргыз Республикасынын Президенти тарабынан көрсөтүлгөн);

— судьялар Мукамбет Касымалиев, Нүргүл Асанова, Дилара Арстанбаева, Айбек Молдакунов, Эльмира Барыктабасова, Санжар Чотонов, Айжан Рыскулова, Гүлназ Кадырова (Кыргыз Республикасынын Судьялар кеңеши тарабынан шайланган);

— Акыйкат Каримов (юридикалык коомчулук тарабынан көрсөтүлгөн).

Сот адилеттиги иштери боюнча кеңеш судьялык кызматка талапкерлерди тандап алган көз карандысыз коллегиалдуу орган болуп саналат. Ал судьялардан, Президенттин, Жогорку Кеңештин, Элдик Курултайдын, юридикалык коомчулуктун өкүлдөрүнөн түзүлөт.